H10 Ocean Dreams 4* - Aðeins Fullorðnir

H10 Ocean Dreams 4* - Adults Only

Staðsetningin

Staðsetning hótelsins er hreint frábær. Hótelið er í bænum Corralejo sem er skemmtilegur strandbær á norðurströnd Fuerteventura.

Hótelið sjálft er við hliðina á aðalgöngugötu Corralejo, en eftir aðeins 3 mínútna göngutúr er maður mættur á "Laugarveg" Corralejo þar sem fullt af börum, veitingastöðum, búðum og fleira er að finna.

Ocean Dreams er svokallað "Boutique hotel" með tæplega 100 herbergjum og því með rólega stemningu á sundlaugabakkanum, í morgunmatinum og á barnum.

Systurhótelið H10 Ocean Suites 4* er á móti hótelinu, en það er tvöfalt stærra, með rúmlega 200 herbergi, en það hentar betur fyrir fjölskyldur á meðan að Ocean Dreams hentar betur fyrir pör.

Herbergin

Herbergin eru vel búin með góðri loftræstingu, fínum rúmum og einstaklega góðum sturtum. Með öllum herbergjum fylgir sér verönd eða svalir.

Standard herbergin eru góð, en það er hægt er að uppfæra sig í herbergi með sundlaugasýn,

Pool view - Herbergi sem eru staðsett við sundlaugina, þá annaðhvort á fyrstu eða annarri hæð. Ath. að gestir hótelsins slaka mikið á við sundlaugabakkann og því meira næði í standard herbergi sem eru lengra frá sundlauginni.

Deluxe Terrace - Herbergi sem eru með stærri og flottari verönd.

Juniorsvíta - Stærri herbergi sem eru með stofu og sófa og einnig stærra rúmi (king-size bed). Einnig fylgir frír aðgangseyrir inn í spa-ið fyrir alla gesti sem gista í Juniorsvítu, en spa-ið kostar annars 5 evrur á mann.

Sendið okkur fyrirspurn á info@evropuferdir.is eða í fyrirspurnaglugganum hér fyrir neðan til að athuga hvað uppfærsla kostar.

Aðstaðan

Morgunverðurinn er með hlaðborði og einnig er hægt að panta af "A la carte" morgunverðarmateðlinum. Morgunverðurinn sjálfur er fínn og þjónarnir eru einstaklega vel þjálfaðir og kurteisir. Morgunverðurinn er borðaður á veitingastað hótelsins.

Veitingastaðurinn er fínn kostur fyrir þá sem vilja eiga rólegt kvöld. Aðstaðan er skemmtileg og þjónarnir eru góðir. Forréttirnir og eftirréttirnir eru er afgreiddur? með hlaðborði, á meðan að aðalrétturinn er pantaður af "A la carte" kvöldverðarmatseðlinum þeirra. Það er hægt að fá betri mat á veitingastöðunum í nágrenninu, en veitingastaðurinn er fínn kostur ef maður vill taka því rólega og slaka á á hótelinu í eitt eða nokkur kvöld.

Sundlaugin er mjög skemmtileg, það er hægt að synda í henni rólega og taka nokkrar ferðir fram og til baka, en síðan er einnig góða sætisaðstaða í sundlauginni sjálfri þar sem maður getur tekið gott spjall. Sundlaugin er ekki upphituð, en maður venst hitanum hratt. Það er mjög hressandi að kýkja aðeins í sundlaugina til að kæla mann niður eftir sólbaðið.

Á sundlaugabakkanum er þægileg stemning. Hótelið er með tæplega 100 herbergi og því ekki of mikill erill á fólki og það er nóg af sólarbekkjum

Hótelið býður einnig upp á fínt SPA sem kostar aðeins 5 evrur til að nota og hægt er að fá ýmis nudd þar. Það er einnig auka inni-sundlaug í spa-inu.

Auka þjónusta

• Ferðir til og frá flugvelli: 5.000 kr. á mann.
  Við mælum sérstaklega með ferðunum, vegna þess að hótelið er í um 40 mínútna akstri frá flugvellinum og leigubílaröðin getur verið einstaklega löng á flugvellinum. Leigubíll kostar um 50-65 evrur á hótelið.
• Hálft fæði: 20.000 kr. á mann
  Með hálfu fæði fylgir auðvitað morgunverðurinn, en síðan ein auka máltíð sem má vera í hádegisverðinum sem er borinn frá 13:00 - 16:00, eða í kvöldverðinum sem er borinn fram kl 18:30 - 21:00

Umsögn Hákons, starfsmanns Evrópuferða:

"H10 Ocean Dreams er einfalt og þægilegt hótel sem er gríðarlega vel staðsett í Corralejo. Ég mæli eindregið með því fyrir fullorðin pör sem vilja slaka á við sundlaugabakkann á morgnanna og fara síðan í bæinn til að versla, kýkja á barinn, borða hádegis- eða kvöldverð. Maður fær ansi mikið fyrir peninginn sinn á þessu hóteli og einnig í bænum sjálfum. Það er ansi margir veitingastaðir í stuttu göngufæri við hótelið og það er einstaklega gaman að labba göngugötuna sem er við hliðina á hótelinu á kvöldin.

Corralejo er tvískiptur bær. Nær hótelinu er túristasvæðið þar sem hægt er að versla, borða og drekka, en síðan ef maður gengur lengra í bæinn, þá ertu kominn í gamla bæinn þar sem heimamenn Corralejo halda sér. Þar eru allskonar skemmtilegar verslanir og að mínu mati, betri veitingastaðir.

Það er gaman að fara á höfnina á kvöldin sem er í um 10 mínútna göngufjarlægð frá hótelinu. Þar eru margir veitingastaðir og barir sem bjóða upp á skemmtilega stemningu.

Þetta er gott hótel sem er á hagstæðu verði og ég myndi gefa því 9 af 10 í einkunn miðað við staðsetningu, þjónustu, aðstöðu og verð hótelsins"

Kostir hótelsins

• Mjög góð staðsetning

• Hagstæður kostur - Maður fær mikið fyrir peninginn sinn

• Flott og rúmgóð herbergi með sér verönd/svölum ásamt góðri loftræstingu

• Góður morgunverður með "A la carte" matseðli

• Skemmtileg sundlaug og sólaraðstaða

• Fá herbergi og því róleg stemning á öllu hótelinu

• Vel þjálfað og kurteist starfsfólk

Ókostir hótelsins

• Kvöldverðurinn er ekkert spes. Mikið af hægelduðum kjötréttum sem bragðast eins og hann sé upphitaður. Maturinn er samt ágætur og það er góð stemning á veitingastaðnum.
  Matinum má líkja við mjög góðan mat í mötuneyti.

Fleiri spurningar?

Endilega fylltu í fyrirspurnarformið hér fyrir neðan eða sendu okkur tölvupóst á info@evropuferdir.is til að fá tilboð eða meiri upplýsingar um hótelið.