3HB Guarana 4* - Allt innifalið í Olhos de Agua - Fjölskylduhótel

3HB Guarana 4* - Allt innifalið

Staðsetningin

Hótelið er staðsett í litla strandarbænum Olho de Agua sem er í 10 mínútna akstursfjarlægð frá Albufeira. Aðal ströndin í Olho de Agua er í um 10 mínútna göngufjarlægð frá hótelinu og er ágætlega mikið úrval af veitingastöðum og börum í stuttu göngufæri við hótelið. Bærinn er töluvert rólegri heldur en Albufeira og er með mjög afslappandi stemningu.

Herbergin

Öll herbergin eru með góðri loftræstingu, þægilegum twin-rúmum og baðkari. Með öllum herbergjunum fylgja sér svalir.

Tveggja manna herbergin eru 21fm2 með loftkælingu, svölum og litlum ísskápi. Einnig er lítið borð með tveimur stólum og sjónvarp fyrir framan rúmið.
Hámarksfjöldi: 2 fullorðnir

Fjölskylduherbergi með svefnsófa eru 25fm2 með svefnsófa fyrir 3ja aðilann, en eru alveg eins og tveggja manna herbergin að öðru leiti.

Hámarksfjöldi: 3 fullorðnir og 1 barn eða 2 fullorðnir og 2 börn

Það er einnig í boði að gista í herbergi með sjávarsýn eða í svítunni. Sendið okkur fyrirspurn á info@evropuferdir.is eða í fyrirspurnaglugganum hér fyrir neðan til að athuga hvað uppfærsla kostar.

Aðstaðan

Morgunverðurinn er borinn fram á aðalvetingastað hótelsins, Milharó frá kl. 07:30 - 10:00 á morgnanna. Boðið er upp á morgunverðarhlaðborð með fjölbreytt úrval af því öllu helsta. Fólk er almennt ánægt með úrvalið og gæði matsins.

Hádegisverðurinn er borinn fram frá 12:30 - 14:30. Flott hlaðborð þar sem boðið er upp á almennilega máltíð með kjöti, fiski, sjávarréttum, grænmetisréttum o.fl.

Kvöldverðurinn er borinn fram frá 18:30 - 21:30 og er með svipað úrval og um hádegið, nema þá er bætt aðeins í aðalréttina.

Veitingastaðurinn Milharó er aðal hlaðborðsveitingastaður hótelsins. Boðið er upp morgunverð, hádegisverð og kvöldverð á veitingastaðnum. Maturinn er borinn fram af hlaðborði með portúgölskum og alþjóðlegum kostum.

Veitingastaðurinn Oriental býður upp á "brunch" frá kl. 10:00 - 12:00 og kvöldverð frá 19:30 - 21:15. Úrvalið á kvöldverðarhlaðborðunum breytist eftir kvöldi og eru þemabundin. Það getur verið t.d. asískir réttir, sushi, sjávarrétir o.fl. Bóka þarf borð fyrirfram til að borða kvöldverðinn.

Veitingastaðurinn Azeitona býður upp á meiri "casual" veitingakosti, þ.á.m. hamborgara, pítsur, salöt, pylsur o.fl. Azeitona er opinn frá kl. 12:00 - 19:00. Frá kl 21:30 - 23:30 er síðan boðið upp á samlokur.

Veitingastaðurinn Mediterrâneo er auka kostur sem er býður upp á hlaðborð með miðjarðarhafsþema. Mediterrâneo er opinn frá kl. 19:30 - 21:15.

Sundlaugasvæðið er frábært og er með 2 sundlaugar fyrir fullorðna og 2 fyrir börn.

Sólbaðsaðstaðan er rúmgóð með nóg af sólarbekkjum fyrir alla.

Líkamsræktin er ágætlega vel búin með stillanlegum bekkjum, handlóðum, hlaupabretti, róðurvél, og fleiri lyftingartækjum. Líkamrsæktin fær 2 af 5 frá HotelGyms.com

Skemmtiatriði - Á kvöldin eru skemmtiatriði sem fá góðar umsagnir frá gestum.

Auka þjónusta

• Ferðir til og frá flugvelli: 7.500 kr. á mann.
  Hótelið er í um 35 mínútna akstri frá flugvellinum og leigubílaröðin getur verið einstaklega löng á flugvellinum. Leigubíll kostar um 50-65 evrur á hótelið.

Fleiri spurningar?

Endilega fylltu í fyrirspurnarformið hér fyrir neðan eða sendu okkur tölvupóst á info@evropuferdir.is til að fá tilboð eða meiri upplýsingar um hótelið.