Wyndham Residence golf 4*

Við bjóðum upp á ótakmarkað golf á Amarilla Golf sem er mjög vinsæll og skemmtilegur 18 holu golfvöllur sem mjög gaman er að spila. Hægt er að geyma settið á golfvellinum þannig að þið getið labbað á hótelið sem er um 15 mín gangur.

Wyndham Residence Golf del Sur er mjög gott 4* íbúðahótel sem er staðsett á miðju Golf del Sur svæðinu mitt á milli tveggja góðra 18 holu golfvalla, Golf del Sur og Amarilla.

Íbúðirnar eru mjög rúmgóðar og vel útbúnar og allt til alls til að njóta góða veðrisins og njóta. Þetta eru íbúðir sem við getum svo sannanlega mælt með.

Wyndham Residence býður upp á ýmsar tegundir íbúða allt frá stúdíó fyrir tvo og upp í 150 fm sérbýli með 3 svefnherbergjum og einkasundlaug. Á sumum eins, tveggja og þriggja herbergja íbúðunum fylgir heitur pottur á svölum eða í garði.

Á Wyndham Residence er stór sundlaug, bar og mjög góður veitingastaður sem opinn er allan daginn og oft með skemmtidagskrá á kvöldin. Einnig eru margir aðrir veitingastaðir í göngufæri og einnig skemmtilegir enskir pöbbar sem eru með "live Music" á kvöldin.

Hægt er að fá morgunmat eða hálft fæði ef hentar. En lítil verslun er hluti af hótelinu og þar er hægt að kaupa drykki og allt það helsta í ískápinn og heitt brauð á morgnana.

Á Wyndham er mjög gott að vera með bílaleigubíl þar sem nóg er af stæðum og hægt að leggja rétt hjá íbúðunum.

Getum einnig boðið upp á aðra möguleika á golfi. Golf del Sur, Las Americas og Adeje Golf.

Endilega sendið okkur skilaboð ef lengd ferðar eða tímasetningarnar henta ekki og við getum gert föst tilboð í allar stærðir af hópum.